FEDERATA PANSHQIPTARE E AMERIKES

Ne emer te Federates PanShqiptare VATRA ju falenderojme per viziten tuaj ne hapesiren tone ne web. Kjo faqe eshte krijuar per te lehtesuar kontaktin dhe lidhjen tuaj me Federaten tone te dashur.

 

 

 

Qe ne krijimin e saj me 1912 e deri me sot, Federata PanShqiptare VATRA ka patur dhe ka per synim bashkimin dhe afrimin e shqiptareve per interesat bashkekombetare. Ky synim madhor i Konitces, Nolit dhe bashkekohesve te tyre eshte burim i punes qe vazhdon te behet edhe sot prej anetareve te tanishem te VATRA-s nen drejtimin e Keshillit Drejtues.

HISTORI                ARKIVI                   KANUNORE          BIBLIOTEKA        INFORMACION                    GAZETA DIELLI                  KRYESIA               FORUM 

Fan Noli

Faik Konica

Te dashur bashkeatdhetare,

Ka dalë nga shtypi numri i ri gazetës Dielli. Sic është njoftuar që nga shtatori 2009 Dielli ëshët kthyer në gazetë të përmuajshme. Krahas shitjes në tregun e Nju Jork-ut, gazeta ka rreth 1 mijë pajtimtarë, në SHBA-Kanada. Gazeta shkon edhe në institucionet e Shqipërisë, të Kosovës si dhe në libraritë e SHBA. Albanologët gjithashtu e marrin Diellin, ne SHBA dhe Evrope.

Në numrin e ri të Diellit janë trajtuar tema historike, letrare dhe ato të komunitetit shqiptar në SHBA. Kronikat dhe reportazhet nga komuniteti shqiptar i Nju Jork-ut mbizotërohen nga veprimtaritë e organizuara ne përkujtim të 4 vjetorit të ndarjes nga jeta e presidentit historik, dr. Ibrahim Rugova, mbledhjet e fondeve nga komuniteti shqiptar në SHBA përmes Federatës Panshqiptare “Vatra” dhe Kishës Katolike “Zoja e Shkodrës”.Një pasqyrë të plotë japin reportazhet” Nëno, mo ski frikë/se ke djemtë në Amerikë” dhe “Plagë mjekohen kur dhembin”.

Editoriali i këtij numri”Njeriu i shenjave të mëdha” ka për autor gazetarin Sinan Kamberaj. Në rubrikën historike botohet shkrimi kushtuar prijësit të Dragobisë, Bajram Curri. Njëri nga ata që e shoqëruan plakun e maleve në udhëtimin e fundit drejt Shpellës së Dragobisë, Tahir Zajmi, ka lënë pas ditarin.

Krahas shkrimit të Genc Korcës”The Red Elephant in Albania’s Living Room” në sec anglisht botohen edhe  6 letrat-replikë të shqiptaro-amerikanëve drejtuar The New York Times, që marrin shkas nga artikulli i minsitrit të Jashtëm serb, Jeremic, botuar ne kete gazete.

Gëzim Llojdia përfaqësohet në këtë numër të Diellit me shkrimin kushtuar Dhimitër Kolea-s si financues i Kongresit të Lushnjës.

Një speciale i kushtohet figurës legjendera të heroit kombëtar, Gjergj Kastriotit Skënderbeu. Në këtë kuadër botohet edhe shkrimi i studiuesit Aristotel Mici “Mesazhi i Memories së Gjon Muzakës.”

Refleksione rreth ribotimit të plotësuar të librit “Dosja e diktaturës” të Dr. Pjetër Pepa, që botohen në këtë numër, kanë për autor studiuesin Klajd Kapinova.

Ndërsa Minella Aleksi sjell në këtë numër një analizë të romanit të Visar Zhitit”Në kohën e Britmës”. Poeti me origjinë came, Namik Selmani, boton një cikël poetik ne faqet e Diellit.

Në kuadër të kronikave të komunitteit shqiptar në Amerikë botohet një shkrim-kujtesë për Abaz Kupin dhe nderimin që i bënë shqiptarët e Amerikës.

Një fragment nga novela “Pabesia” e autorit Uran Kostreci, botuar në fund të vitit 2009, sjell konfliktin e kohës së luftës së Dytë Botërore,pushkatimin e djemeve kosovare, dhe pasojat e luftës së klasave në Shqipëri.

Në këtë numër botohet dhe një listë me libra të rinj dhuruar bibliotekës së Vatrës, një nga më të pasurat dhe më autentiket në SHBA.

 Shkrime përcjellëse botohen per mjeshtrin e sportit Panajot Pano dhe artistin Sali Mani, qe nderruan jete ne SHBA si dhe për mjeshtrin e përkthimeve, Pashk Gjeci.

Gazeta “Dielli” mund të vijë në shtëpitë tuaja nëse dërgoni një cek ose Many Order prej $ 60 në SHBA ose $100 në Europë për pajtim vjetor në adresën:

VATRA

2437 Southern BLVD.

Bronx, NY 10458

USA (Kur është jashtë SHBA-së)

Cheku i drejtohet:To pay - Vatra

Memo:Gazeta Dielli

KREMTIM PËR PAVARËSINË E KOSOVËS - PËRVJETORI I DYTË

 

NË NEW YORK

 

Organizohet nga Federata Panshqiptare VATRA

 

dhe

 

Qendra Islame Shqiptare-Amerikane për New York dhe New Jersey, Kisha Katolike Shqiptare “Zoja e Shkodrës”, Kisha Ortodokse Shqiptare “Shën Kolli”.

Këshilli Kombëtar Shqiptaro-Amerikan, Lidhja Demokratike e Dardanisë, Lidhja Demokratike e Kosovës, Partia Lëvizja e Legalitetit, Shoqata Atdhetare Dibrane, Shoqata Drenica, Shoqata Peja, Shoqata Rugova.

 

Të dielën, më 14 shkurt 2010, në orën 5:00 të mbrëmjes Maostro’s Caterers, 1703 Bronxdale Avenue, Bronx, New York

 

Darkë me meny të pasur dhe pije të bollshme Do të argëtoheni nga Grupi Muzikor nën drejtimin e Raif Hysenit, këngëtarët e njohur Merita Halili, Mithat Salihu – KINO, Luljeta Pëllumbi dhe Ansambli Folkorik “Rugova”

 

Hyrja $75 për person

 

Ju lutemi rezervoni biletat sa më shpejt! Telefononi:

 

Zef Balaj 718-654-1319, Marjan Cubi 914-316-0045, Agim Çavdërbasha 917-209-6500, Rifat Drenica 347-385-2774 Ibrahim Kolari 917-685-8822, Hakik Mena 201-993-0833, Jonuz Ndreu 845-651-4932, Zef Përndocaj 914-997-7367, Agim Rexhaj 917-848-3999, Isuf Rexhaj 917-626-5782

 

2437 Southern Boulevard

Bronx, NY 10458

Tel(718)365-6930/ Fax (718)365-6852

 

 

 

Webmaster: Armin Zotaj & Rezarta Dyryzi

Contributors: Merita B.McCormack; Fatmir Beja